السلام عليكم ،
كل يوم يتعادا، نزيد نتأكد فيه اللي التونسي من أغرب العباد في الدنيا هاذي ... وعمرك لك بش تنجم تفهموا ... ! هوة صحيح مش التوانسة الكل كيف كيف، أما اللي نشوفوه كل يوم شي يبهت ! هذاكا علاه حبيت نتساؤل أنا :
- علاه التونسي يحرق الضو ، المترجل واللي بالكرهبة ... ؟
- علاه التونسي مايخليش الأولوية كي يسوق ؟
- علاه التونسي ، كي باب الكار ولا المترو يطلع زوز، يطلعوا 4 ؟
- علاه التونسي يلوح الزبلة في الشارع مش في البلاصة المخصصة للزبلة ؟
- علاه التونسي يمشي في الطريق مش عل المادة ؟
- علاه التونسي في الكار، يطلع من باب النزول ويهبط من باب الصعود ؟
- علاه التونسي يعطي طراحة الخوه التونسي ؟
- علاه التونسي ، كي يخسر فريق في الكورة يكسر الستاد ويستعمل العنف مع الجمهور الأخر ؟
- علاه التونسي يعطي موعد ومايجيش ؟ وكان جا راهو مخر ؟
- علاه التونسي يخدم شوية ويحب يخلص برشة ؟
- علاه التونسي، حتى كان غالط مايحبش يستعرف ؟
- علاه التونسي يغلط خوه التونسي ؟
- ....
والأسئلة الخطيرة ماتوفاش راهو ... وكان تعملوا مزية، دبرولنا أجوبة مقنعة ؟
الحاصيلوا، نتقابلو في أرتيكل اخر نشااله =)
Aucun commentaire:
Enregistrer un commentaire